बारामती । २६.०२ । नगरी नगरी :
दिवंगत उपमुख्यमंत्री अजित पवार यांच्या विमान अपघात प्रकरणी VSR विमान कंपनीविरोधात गुन्हा दाखल करण्यासाठी आमदार रोहित पवार आज बारामती तालुका पोलीस ठाण्यात दाखल झाले. मात्र, येथेही फिर्याद नोंदवण्यास नकार दिल्याने वातावरण तणावपूर्ण झाले आहे.
पोलीस ठाण्याबाहेर मोठ्या संख्येने कार्यकर्ते आणि नागरिक जमा झाले असून जोरदार घोषणाबाजी सुरू आहे. “जो गेला तो साधा माणूस नव्हता, महाराष्ट्राचा तारणहार होता… FIR घेतलीच पाहिजे!” अशा घोषणा देत हातात पोस्टर्स घेऊन समर्थक आक्रमक भूमिका घेताना दिसत आहेत.
🔎 आधी मुंबईतही नोंद झाली नव्हती
या अपघाताबाबत सखोल चौकशी व्हावी आणि VSR कंपनी तसेच संबंधित अधिकाऱ्यांवर कठोर कारवाई करण्यात यावी, या मागणीसाठी आमदार रोहित पवार यांनी काल मरीन ड्राइव्ह पोलिस स्टेशन येथे फिर्याद देण्याचा प्रयत्न केला होता. मात्र, तेथेही FIR नोंदवून घेण्यात आली नव्हती.
त्यामुळे आज त्यांनी बारामतीत पुन्हा गुन्हा दाखल करण्याचा प्रयत्न केला.
👥 पवार कुटुंबीयांसह समर्थकांची उपस्थिती
या वेळी अजित पवार यांचे भाऊ राजेंद्र पवार, युगेंद्र पवार तसेच इतर नातेवाईक, कार्यकर्ते आणि स्थानिक नागरिक मोठ्या संख्येने पोलिस ठाण्यासमोर एकत्र आले. पोलिसांनी बंदोबस्त वाढवला असून परिस्थितीवर बारकाईने लक्ष ठेवले जात आहे.
⚖️ पुढे काय?
FIR नोंदवली जाईल की कायदेशीर मार्गाने पुढील पावले उचलली जातील, याकडे सर्वांचे लक्ष लागले आहे.
दरम्यान, या प्रकरणामुळे बारामतीत राजकीय वातावरण चांगलेच तापले आहे.
