१९.०२ । नगरी नगरी :
( Cricket ) टी-२० विश्वचषक २०२६ स्पर्धेतून साखळी फेरीनंतर अव्वल आठ संघांनी ‘सुपर ८’मध्ये प्रवेश निश्चित केला आहे. २० संघांमधून प्रत्येक गटातील अव्वल दोन संघ पुढे गेले असून सुपर ८ फेरी २१ फेब्रुवारीपासून १ मार्चपर्यंत रंगणार आहे. आठ संघांना प्रत्येकी चार संघांच्या दोन गटांत विभागण्यात आले आहे.
( Cricket )दोन वेळचे विजेते वेस्ट इंडिजने नेपाळवर ९ विकेट्सने विजय मिळवत सर्वप्रथम पात्रता निश्चित केली. गतविजेते भारताने पाकिस्तानवर ६१ धावांनी मात करत सुपर ८मध्ये प्रवेश केला. पाकिस्तानने नामिबियावर १०२ धावांनी मोठा विजय मिळवत अखेर सुपर ८ मध्ये जागा पक्की केली.
सुपर ८ चे गट :
🔹 गट १ : भारत, झिम्बाब्वे, वेस्ट इंडिज, दक्षिण आफ्रिका
🔹 गट २ : पाकिस्तान, श्रीलंका, इंग्लंड, न्यूझीलंड
( Cricket ) प्रत्येक संघ आपल्या गटातील उर्वरित तीन संघांविरुद्ध सामने खेळणार असून प्रत्येक गटातील अव्वल दोन संघ उपांत्य फेरीत प्रवेश करतील. सुपर ८ मध्ये सर्व संघ शून्य गुणांसह सुरुवात करतील; साखळी फेरीतील गुण किंवा रनरेट पुढे नेले जाणार नाहीत.
गट १ सामने :
२२ फेब्रुवारी – भारत विरुद्ध दक्षिण आफ्रिका, नरेंद्र मोदी स्टेडियम (सायं. ७ वा.)
२३ फेब्रुवारी – झिम्बाब्वे विरुद्ध वेस्ट इंडिज, वानखेडे स्टेडियम (सायं. ७ वा.)
२६ फेब्रुवारी – दक्षिण आफ्रिका विरुद्ध वेस्ट इंडिज, नरेंद्र मोदी स्टेडियम (दुपारी ३ वा.)
२६ फेब्रुवारी – भारत विरुद्ध झिम्बाब्वे, एम.ए. चिदंबरम स्टेडियम (सायं. ७ वा.)
१ मार्च – झिम्बाब्वे विरुद्ध दक्षिण आफ्रिका, अरुण जेटली स्टेडियम (दुपारी ३ वा.)
१ मार्च – भारत विरुद्ध वेस्ट इंडिज, ईडन गार्डन (सायं. ७ वा.)
गट २ सामने :
२१ फेब्रुवारी – न्यूझीलंड विरुद्ध पाकिस्तान, आर. प्रेमदासा स्टेडियम (सायं. ७ वा.)
२२ फेब्रुवारी – इंग्लंड विरुद्ध श्रीलंका, पल्लेकेले स्टेडियम (दुपारी ३ वा.)
२४ फेब्रुवारी – इंग्लंड विरुद्ध पाकिस्तान, पल्लेकेले (सायं. ७ वा.)
२५ फेब्रुवारी – न्यूझीलंड विरुद्ध श्रीलंका, कोलंबो (सायं. ७ वा.)
२७ फेब्रुवारी – इंग्लंड विरुद्ध न्यूझीलंड, कोलंबो (सायं. ७ वा.)
२८ फेब्रुवारी – पाकिस्तान विरुद्ध श्रीलंका, पल्लेकेले (सायं. ७ वा.)
उपांत्य फेरीसाठी चुरस
प्रत्येक सामना निर्णायक ठरणार असून नेट रनरेट महत्त्वाची भूमिका बजावेल. क्रिकेटप्रेमींची नजर आता सुपर ८ सामन्यांवर खिळली आहे. उपांत्य फेरीकडे वाटचाल करताना कोणते दोन-दोन संघ अंतिम चारमध्ये पोहोचतात, याची उत्सुकता शिगेला पोहोचली आहे.
२०२८ विश्वचषकासाठी थेट पात्रता :
सुपर ८ मध्ये पोहोचलेले सर्व संघ २०२८ मध्ये ऑस्ट्रेलिया व न्यूझीलंड येथे होणाऱ्या पुढील टी-२० विश्वचषकासाठी थेट पात्र ठरले आहेत. सह-यजमान म्हणून ऑस्ट्रेलिया व न्यूझीलंड आधीच पात्र होते. तसेच आयसीसी क्रमवारीनुसार बांगलादेश, अफगाणिस्तान व आयर्लंड यांनाही स्थान मिळण्याची शक्यता आहे.
