अहिल्यानगर । नगरी नगरी :
रविवारी नगर शहराचे तापमान तब्बल ४२ अंशांवर पोहोचल्याने उन्हाच्या झळा नागरिकांना असह्य होत असताना, गजराज नगर परिसरातील दोन चिमुकल्यांनी मात्र या कडक उन्हावर स्वतःची भन्नाट शक्कल लढवली. घरासमोरील पाण्याने भरलेल्या टबमध्ये बसून त्यांनी छोट्याशा स्विमिंग पूलचा आनंद घेत थंडगार पाण्यात मनसोक्त खेळत उन्हाळ्यालाच जणू गारवा दिला.
उन्हामुळे त्रस्त झालेल्या वातावरणात या चिमुकल्यांचा निरागस आनंद पाहून परिसरातील नागरिकांच्या चेहऱ्यावरही हसू उमटले. महागड्या साधनसामग्रीशिवायही बालमन आपल्या छोट्या जगात आनंदाचे क्षण कसे शोधते, याचे हे सुंदर चित्र पाहायला मिळाले.
